اسلام آباد۔20اکتوبر (اے پی پی) وزیراعظم محمد شہباز شریف گھریلو صنعتاں دی رجسٹریشن دی حوصلہ افزائی دی لوڑھ تے زور ݙیندیں ہوئیں آکھیا جو پاکستان دی صنعتی ترقی گھریلو، چھوٹے اتے درمیانے پیمانے دی صنعتاں دی ترقی نال مشروط اے۔ او سنوار کوں آپݨی صدارت اچ سمیڈا دی تنظیم نو اتے ایس ایم ایز دی ترقی تے جائزہ اجلاس نال خطاب کریندے پئے ہن۔ اجلاس اچ وفاقی وزراء احد خان چیمہ، ڈاکٹر مصدق ملک، عطاء اللہ تارڑ، معاون خصوصی ہارون اختر اتے متعلقہ اُچے حکام شرکت کیتی۔ اجلاس اچ سمیڈا دی تنظیمِ نو اتے ایس ایم ایز دی ترقی کیتے اقدامات تے بریفنگ ݙتی ڳئی۔ وزیراعظم آفس دے میڈیا ونگ ولوں جاری بیان دے مطابق اجلاس توں خطاب کریندیں ہوئیں وزیراعظم شہباز شریف آکھیا جو چھوٹ?? تے درمیانے درجے دی صنعتاں (ایس ایم ایز) اچ تریمتاں دی شمولیت کوں وݙھاوݨ کیتے اقدامات خوش آئند ہن، ??یں حوالے نال آگاہی کوں عام کرݨ دی لوڑھ اے۔ وزیراعظم گھریلو صنعتاں دی رجسٹریشن دی حوصلہ افزائی دی لوڑھ تے زور ݙتا تاںجو انہاں کوں کاروبار کوں فروغ ݙیوݨ کیتے قرضہ گھنݨ اچ آسانی تھیوے۔ وزیراعظم ہدایت کیتی جو سمیڈا دے روڈ میپ دے لاگو تھیوݨ دی واضح مدت طے تھیوے اتے لاگو تھیوݨ جلدی توں جلدی یقینی بݨایا ونجے۔ انہاں آکھیا جو پاکستان دی صنعتی ترقی گھریلو، چھوٹی اتے درمیانے پیمانے دی صنعتاں دی ترقی نال مشروط اے، ترقی یافتہ ملکاں اچ وݙیاں صنعتاں دا خام مال ایس ایم ایز فراہم کریندن، زرعی اجناس دی پراسیسنگ کیتے دیہاتی علاقیاں اچ ایس ایم ایز دے حوالے نال تربیت یقینی بݨائی ونجے۔ وزیراعظم سمیڈا دی تنظیمِ نو اتے ایس ایم ایز دی ترقی کیتے وزارت صنعت تے پیداوار دے اقدامات تے اطمینان دا اظہار کیتا۔ اجلاس اچ بریفنگ اچ ݙسایا ڳیا جو آزاد کشمیر اتے گلگت بلتستان اچ ایس ایم ایز دی ترقی کیتے دفتر کھول ݙتے ڳئن جئیں دی عوام و چیمبرز ولوں تعریف کیتی ویندی پئی اے، سمیڈا دا نجی شعبے دے ماہرین تے مشتمل بورڈ تشکیل ݙتا ونڄ ڳئے جݙاں جو آوݨ آلے کُجھ ݙینہ اچ چیف ایگزیکٹیو آفیسر دی تعیناتی دا عمل پورا کر ڳھدا ویسی۔ اجلاس کوں ݙسایا ڳیا جو سٹیرنگ کمیٹی دے احکامات دی بدولت ایس ایم ایز دی استعداد، قرضیاں دی فراہمی، سرمائے اتے اشتراک اچ کافی ودھارا تھیے، تریمتاں دی ایس ایم ایز شعبے اچ حوصلہ افزائی کیتے و??من انٹرپرینیورشپ پلیٹ فارم تشکیل ݙتا ویندا پئے جو مصنوعی ذہانت تے مبنی ہوسی۔ اے پلیٹ فارم تریمتاں کوں کاروباری شعبے دے حوالے نال پوری معلومات فراہم کرݨ دے نال نال رجسٹریشن، ٹیکس معاملات اتے ہنر دی آگاہی وی ݙیسی۔ اجلاس اچ ایس ایم ایز کوں رسمی معیشت دا حصہ بݨاوݨ کیتے اقدامات دا روڈ میپ وی پیش کیتا ڳیا۔
گھریلو صنعتاں دی رجسٹریشن دی حوصلہ افزائی دی لوڑھ اے، وزیراعظم شہباز شریف دا جائزہ اجلاس توں خطاب
اسلام آباد۔20اکتوبر (اے پی پی) وزیراعظم محمد شہباز شریف گھریلو صنعتاں دی رجسٹریشن دی حوصلہ افزائی دی لوڑھ تے زور ݙیندیں ہوئیں آکھیا جو...
مضمون کا ماخذ : سامرائی کی خوش قسمتی۔
