اسلام آباد۔8اکتوبر (اے پی پی) وزیراع??م محمد شہباز شریف مذاکرات نال آزاد کشمیر اچ خوش اسلوبی نال سارے معاملات حل تھیوݨ تے اطمینان دا اظہار کریندیں ہوئیں آکھیا جو کشمیری عوام دے سارے تحفظات کوں دور کیتا ویسی، حکومت کشمیری بھراواں دے مسئلیاں ک??ں حل کرݨ کیتے اقدامات جاری رکھیسی۔ اے ڳالھیں انہاں آزاد کشمیر اچ مذاکراتی عمل دی کامیابی دے بعد حکومتی مذاکراتی کمیٹی دے ارکان نال ڳالھ مہاڑ کریندیں ہوئیں کیتا جنہاں بُدھ کوں انہاں نال ملاقات کیتی۔ وزیراعظم آفس دے میڈیا ونگ ولوں جاری بیان موجب ملاقات اچ راجہ پرویز اشرف، مشیر وزیراعظم رانا ثناء اللہ، وفاقی وزراء احسن اقبال، محمد اورنگزیب، سردار محمد یوسف، ڈاکٹر طارق فضل چوہدری، احد خان چیمہ اتے چیئرمین یوتھ پروگرام رانا مشہود احمد خان موجود ہن۔ وزیراع??م مذاکراتی کمیٹی دے ارکان دی کشمیر اچ معاملات کوں چنڳے طریقے نال حل کرݨ کیتے کوششاں ک??ں سراہندیں ہوئیں آکھیا جو جوائنٹ ایکشن کمیٹی وی کشمیر دی ترقی تے خوشحالی کیتے معاملہ فہمی دا مظاہرہ کیتا جئیں کیتے او تعریف دے لائق ہ??۔ وزیراعظم آکھیا جو کشمیر اچ سارے معاملات خوش اسلوبی نال حل تھئے، کشمیری عوام دے سارے تحفظات کوں دور کیتا ویسی۔ انہاں آکھیا جو حکومت آپݨے کشمیری بھراواں دے مسئلیاں ک??ں حل کرݨ کیتے اقدامات جاری رکھیسی، عوامی مفاد اتے امن اساݙی ترجیح اے، آزاد کشمیر دی عوام دی خدمت کریندے رہسوں۔ وزیراعظم آکھیا جو پہلے وی کشمیری بھیݨ بھراواں دے حق دے محافظ ہاسے اتے اڳوں وی انہاں دے حق دا تحفظ کریندے رہسوں، آزاد کشمیر دے مسئلیاں تے ہمیشہ توجہ رہی اے اتے میݙی حکومت ہمیشہ ترجیحی بنیاداں تے انہاں مسئلیاں ک??ں حل کیتے۔ انہاں یقین ݙیوایا جو حکومت کشمیری عوام دی امیداں دے مطابق انہاں دی ترقی تے خوشحالی کیتے اقدامات کریندی رہسی۔
وزیراعظم شہباز شریف دا آزاد کشمیر اچ سارے معاملات خوش اسلوبی نال حل تھیوݨ تے اطمینان دا اظہار
اسلام آباد۔8اکتوبر (اے پی پی) وزیراعظم محمد شہباز شریف مذاکرات نال آزاد کشمیر اچ خوش اسلوبی نال سارے معاملات حل تھیوݨ تے اطمینان دا...
مضمون کا ماخذ : بڑا برا بھیڑیا۔
